壹週刊 : 巴士阿叔痛哭想自殺

岩岩睇完 hkux tv 谷網友 scan 上去既巴士阿叔 陳乙東 之報導, 覺得寫得好假. 阿叔話:

係英國同德過殺過兩個人
係Sydney 同 Munich 留學有學位
中過二千萬六合彩
係德國同比利時分別比判八年監
三次參加特首選舉
同馬英九打過交

唔知係壹仔老吹定係阿叔老吹.. 就好似多年前人辦 '陳健康' 之報導一樣, 收錢做新聞.

算, 個故事已經商業化左, 之後再發生既野都係唔好再信.

X-Men 變種特攻 兩極爭霸

依位 IT 人, 做左咁耐野都應該知冇野係查唔到出黎. 仲話某大學電腦工程系畢業, 真係唔自愛.

科大生被炒電腦病毒報復
http://hk.news.yahoo.com/060530/10/1ob8y.html

X-Men 都幾好睇, 時不時有 d 笑料爆出黎. 冇乜冷場. 妖女真身原來咁索 :p'''' 不過我就睇唔到磁力王最尾郁到隻棋啦, 但網友都話睇到. 再加埋博士去左植物人果度, 我諗依集都唔係最後一集.

明日中銀上市, 如果好似天津港咁少老散抽到會好 d. 家下係人都有一手, 老美琴晚又跌得咁甘, 每個老散一分鐘 enquiry十次都唔掂, 睇下邊個 online system 仲頂得順 d transaction..

巴士阿叔未完的續集

之前同同事討論四眼仔既電台訪問, 同事們都話佢馬後炮, 性格有問題, 又話佢唔敢出手但又得把口冇料到云云.

我聽落去, 果個四眼仔講野係古怪 d, 電台主持取笑佢咁 '有好高修養', 但我果時都覺得佢有 d 料到. 我唔係好老, 但都見到好多靚仔靚妹做 sales / frontline 做一兩個月就頂唔順要辭職. 而家後生仔生活唔同, 未必個個受得氣 EQ 好. 四眼仔做左六七年 sales, 佢話乜人都見過依句我同意.

我試過代入果段片, 我比人係咁問候家人仲要話小人老母無壞, 果部份放係邊度云云. 比我我都唔會郁手, 但我果時一定會問佢有無老婆有冇生女, 有既話有邊個我小爆佢邊個, 睇下佢係咪真係無壞. 四眼仔咁都忍到, 真係有 d 料到. 以前個個話肥佬黎高 EQ 所以成功, 依個四眼仔咁忍得可能都會有好既回報.

今日睇報紙先知四眼仔係地產舖老細, 真係估都估唔到:

巴士被 青年﹕激勵努力工作 任地產公司老闆 稱「害怕阿叔動手」
http://hk.news.yahoo.com/060529/12/1oa0l.html
巴士短片青年早學懂死忍
http://hk.news.yahoo.com/060529/10/1oa27.html

諗番電台主持好似當四眼仔傻仔咁全程玩佢暗串佢, 以為自己比佢醒目, e.g. chok 到四眼仔 25 歲以為自己好叻.

今日報紙寫佢 23, 唔知邊個比人玩緊呢!

前輩教落, 唔好因為表面因素睇少每一個人.

閒閒在家

原本 plan 左 27May 至 4Jun 放假去 LA + Vegas + Grand Canyon 的, 咁就可以盡用我的福利 e.g. 平機票, 這個古惑假期 (放四日半有九日). 可惜去 LA 的機爆到九彩, 要星期三先可以上機. 最後唯有 cancel d 假唔去. 老細唔比 cancel 晒四日半, 唯有 cancel 1-2Jun. 九日連假變得五日, 過埋今日就用左三日了.

今日期指結算, 大局已定, 冇咩好做. 十二點半比人打黎嘈醒後一直係屋企對住電腦, 又冇左半日. 餓到八點先食飯, 當減肥 Keep Fit.

明天約左成年冇見的靚女睇戲, 希望充實一點.

上星期五 Friend 搭 Friend 咁出去飲野飲到天光, D 女仔都幾熱情幾好玩. 人地教我玩大圍大話骰唔好講"十四", 要講"十個四"...

Hello, world!

出生於 2006 年 5 月 28 日 0 時 0 分