Cars

一個月前約左佢同我睇, 距離上畫越來越近, 唔知佢仲會唔會同我睇?

又開波了

抖左兩日, 又開波了. 究竟係德意英巴定係阿烏葡法? 真係好難估..

隔離位靚女話我好生猛, 我話我經過今個月既操練, 而家好似回覆番我應有既火氣.

頭兩個星期幫公司晚上聽電話支援, 都冇咩好訓. 之後世界杯每日睇最少一場. 到最后依個星期加埋公司 7 x 24 support. 日頭番到公司仲係咁 draft mail 計數做到七點先走. 谷谷下我覺得而家既我真係回覆番當年勇. 一於唔好比佢停

世界真細小之二

話說上回係隔離部門搵到中學同學, 今日睇報紙見到有個 Model 著 d 潮人服影硬照. 睇睇下乜咁熟面口. 報紙寫果個人係商台某DJ, 番工司找下資料原來佢係我大學三年班果時住我對面房果個 Freshman! 佢 Year 1 果時都好活躍嫁啦, 我 Grad 左出黎做野原來佢自己又去 sit JRN 堂學電台 d 野同埋自薦去商台. 而家已經係商台主持 (唔係森美) . 不過我之前好討厭佢既節目, 覺得佢 d Gag 真係好唔掂. Anyway, 原來世界真細小.

16 強 - 結算

十六強比賽完了, 八隊晉級隊伍都出左黎, 大致上都對板, 除左我心愛的荷蘭~~~~

我個馬會戶口都結算了, 十六強入了一百蚊落去, 而家竟然有一百五十蚊. 一向賭波都唔係好順利, 而家竟然有小小收獲. 係咪有小小旺呢 ?

十六強之中最經典都係紅黃之戰 - I mean 紅牌與黃牌, 荷蘭果場.

而最攪笑都係意大利果場, 果個大陸講波佬真係笑到嘔白泡, 屋企冇有線既人就知我講乜了! 唔係睇大陸台既人都可以 按此 同 此 收看!

死亡之週

世界杯十六強/八強 Crossover 公司 Fire-Fight 7 x 24 support.

Holland 出局了

很悲慘 這真是命運嗎?

16強 - 出手

拖左咁耐, 終於可以係 16 強比賽之前去馬會登記番網上過數. 可以出手了

六月就黎過, 我成個月都冇乜好覺訓, 下星期仲要幫公司 7 x 24 FireFight Support. 哈哈, 可以借 d 兒睇完波遲番工

車之命運

今個星期發生左兩件關於車既事

週中收到 check 信用咭 balance 見到租車公司收左我 33 蚊澳幣. 追問之下原來我係澳洲渣車果時超速左 2 公里咁多 (Speed Limit 100, Allerged 106, Detected speed 108). 果 33 蚊仲係 admin fee only. 即係之後我會再收到澳洲政府寄黎既牛肉乾. 好似要百幾澳幣.

今日風和日麗約左靚女去淺水灣, 點知落街開車果時部車冇晒電. 唉, 都唔係第一次, 唯有叫個女仔自己同 d Friend 去. 話晒咁大個仔都冇乜點去沙灘玩水~ 唯有等下次

晒錢

琴日 karaoke 聚會, d 女本身已經話要叫 d 有學歷既男仔去. 話唔想要 d 劈酒既男仔, 又話佢地有條女係方力申約佢睇首映都唔賞面既女仔. 挑, 咁 Q 高鬥我即管出去睇下佢地咩 quali.

出到黎 d 女好似妖怪咁, 第一次見面就爭歌唱仲要男女聲都自己唱晒唔同我地唱. 唱兩唱又話要睇波 (多哥 vs 瑞士), 之後我地成班男仔唔飲酒又悶, 唯有玩大話色5蚊舖囉 (原來好刺激), 佢地又係咁問我地係咪想飲酒, 我地話唔想佢地又自己叫左兩 set 酒.

對住果班怪物真係好激氣, 睇完多哥都唔理 d 狗公朋友, 劈底二百蚊走人

恐怖

今日發生左恐怖的事, 以后都唔敢

酒吧睇波

一連兩日去了酒吧睇波, 如果唔係掟鏢都唔會去果間, d 通風差到眼水係咁流.

而家 26 歲, 下次睇世界杯就係 30 歲了. 原本今次可以好輕易咁同 Yahoo 做的同學囉到超平VIP seat 的. 衰在果時投資失利冇囉到. 如果唔係夾埋我的平機票再住 youth hostel 一定超平. 到我 30 果時一定要坐係現場.

坐左兩日, 前日只睇 England, 琴日睇晒三場. 識到個話自己好慘既 beer promotor. 傾計, 食宵夜, 去第二個場再飲野吹水, 講住電話講到佢番屋企....

double in double out

今日又係星期三. 係我第一堂 (理應係第二堂) 上飛鏢班. 原來同我一齊上除左我同部門的一個新仔外, 仲有好多女同事.

學左企位, 手勢, 計分. 之前係酒吧玩都只係亂咁掟. 原來都幾好玩, 可惜老師話依個班完左就唔會再有地方練. 睇怕都係難成興趣~

貪睡的後果...

前日幫公司 support 整到成晚都冇訓, 咁琴晚為左睇法國同巴西唯有一早五點半放工番屋企訓一訓先..

八點鍾牙都冇刷就上左床, 個 friend 十一點打黎叫醒我去酒吧睇仲叫埋兩 set 酒等我黎. 點知我貪睡左一陣. 起身果時天都光晒了.. 我的法國, 我的巴西.. come back!!

< 下北 Glory Days >

網友介紹話依套日劇好睇, 又攪笑又有 AV 女優主演. 用左半日終於攪到手, 好正好有趣丫! 18+

http://www.tv-tokyo.co.jp/shimokita/index.html

ZZZZZZZzzzzzzzzzZZZZZZZZZzzzzzzzz ~~

睇波睇到好眼訓, 先兩日都睇到五六點. 英格蘭再係咁樣踢想出線都難! 好期待今晚 Holland 的演出.

琴日去 karaoke 同同事睇晒三場波. 我只不過同一個女同事A咁岩一齊走入去 karaoke, 比舊女朋友同事見到. 全程比人怒啤, 仲係咁多人面前倒杯酒落我條褲度, 嚇親其他人. 女人真係恐怖.
最衰果 d 女人緊係幫番女人, 點都話我做錯野人地先係咁, 仲串我兩句添. 算, 我唔會同你班人計較. 睇波係大前提

好眼訓, 睇黎請 sick leave 既日子都不遠.

Ole ole ole !!! 世界杯又黎啦!

要珍惜每一刻可以訓的機會!

要飛鏢定要老細??

兄弟定要黃金 <- 出自黑社會

老細今晚無端端請食自助餐, 但我又報左公司既飛鏢興趣班今日上第一堂. 老細請食飯無理由唔比面, 但係上第一堂多數係重要野, 唔上唔知之後學唔學得番. 諗左好耐, 都係簡同老細食飯.

去果間海港城既酒店自助餐真係好食, 咩都有, 魚生生蠔都好好食. 第日有錢都要去享受下.

食得飽飽好開心, 點知番黎睇到新聞仲開心! 唔係森美小儀, 而係好好打果個阿叔比人 隻 dup

星期中短記

番工放工 x 3, 冇乜時間寫 blog. 而家簡短地 update 一下:

星期日去老朋友屋企食佢未來老婆 (唔知第日係咪) 煮既魚蝦螌+炒菜+老火湯晚餐. 真係好食. 回想我以前的女朋友個個都話可以整到五餸一湯, 點知原來煎隻有黃既蛋都唔得. 最叻果個煎到塊黑黑地西冷手扒已經好好了.

星期二無聊開左 CCASS 戶口做市場參與者, 零六月六月六日開, 我將會係股壇魔鬼 哈哈哈

世界杯了, 好無聊 print 左 schedule 仲 highlight 晒必睇賽事貼係張枱度, 好揚好揚 :D

國泰將會食左港龍, 到時好大機會開新航線番上海等大陸地方. 好快就可以用澳門價坐 business class 去黃浦灘重遊了!

世界真細小

大學畢業出黎做野都咁多年, 一直以來都有同中學同學年聚. 先前 d 攪手話有個中同好似失左蹤咁, 電話又唔聽, 好似避晒我地咁. 近排工作需要同一個姓名同埋 initial 都一樣既女仔傾, 因為唔同 office 工作, 只可以書信同電話傾. 我聽佢把聲都八成似嫁啦. 琴日終於好冒險咁 send mail 問佢係咪係屯門區讀過書, 話佢個名好似我中學云云. d 同事睇到以為我係度用埋 d 屎橋溝女.

個女仔隔左半個鐘 reply, 仲講得出我的中文全名. 呵呵呵, 世界真係細.

中銀首日掛牌

我地今日好似打仗咁嚴陣以待中銀首日掛牌, 咩 resouces 都比晒果兩部機. 點知好衰唔衰附屬行部機死碟, 整到好多 order amendment /cancellation 要 hardcopy 做, 真係唔完美. 不過好似冇 press 報導.

Peak volume 仲細過天津港, 整到 d resouces 都晒左. 好心班 '行內人'估就估好 d.

隻野 4.4 收市, 睇黎都係好似建行交行咁, 慢慢咁升. 我係咪都要改下投資策略變做長線呢?


今日週街都見到巴士阿叔, 好很煩!!!!!!!!!!!!!!!!!!!!!!!!