琴日約左K敏陪我去 CWB 買 Polo shirt / 鞋之類迎接 Business Casual. 點知出番黎係有人買左千幾蚊野, 不過唔係我.. 可能叫女仔陪我買衫係一個錯誤的決定
之後去左 O2 飲野, 係第一次我組隊叫男同事出黎另外叫佢約 d 女生出黎. 佢地都玩得好開心, 我都識左個叫我男朋友的女仔, 攬攬錫錫 . 不過之後我去左第二枱玩唔知幾時佢同第二條仔走左啦. 大家飲大左姐, 醒左就唔記得
因為九點要番工, 如果一番屯門訓一定會死, 唯有同兩條麻甩去時租爆房訓幾個鐘. 點知百佳同維記都寫住 'FULL 全滿', 維記門口果個阿星仲話入面仲有三對情侶等爆房. 真係攪笑. 最后番公司訓覺. 起身後果三個幾鐘好似 zombie 咁
一上畫就同佢睇左反斗車王,劇情同超人特攻/Mo 仔/怪獸公司比真係差好遠.畫功就唔錯都算係咁.基本上都唔係好值得去戲院睇..第一次對PIXAR失望.全片最好睇就係開頭個細路乞錢果十分鐘
唉,我好在意佢話我 '你肥左' 我:'邊度肥' 佢:'個肚,塊面,同埋個囉友都大左'
繼 5-day work 之後. 公司又宣佈, 唔使再打 tie 著西裝番工. 變為 business casual. 究竟 business casual 係乜呢? 公司不斷出依樣果樣, 真係令我離心大減..
世界杯完了, 我最討厭的法國 (私人理由) 到最后一刻先肯輸. 真係好頑強.
世界杯踢埋今晚就完了, 但對我黎講踢完四強就已經玩完.
香港男士選舉, 都唔明點解個場全部都係女人. d 男人又要濕身又要除衫又要比人當鴨咁玩. 如果咁樣選女一定又有 d 嫁唔出既婦女團體出黎話性別歧視. anyway 男人係大方 d, 唔會同你地計較.
見到你班女睇住 d 港男發晒姣大叫大跳就知道你班女平日有幾饑渴, 冇人喂.
果個靚仔為左囉冠軍竟然讚港女係好溫柔. 我都感受到你係好迫於無奈先咁講, 我體諒你.
先幾日係街見到之前同房, 個樣都冇乜點變
話說屯門龍鼓灘個小型賽車場快將開幕, 近晒我. 如果好專業咁玩都係比幾萬蚊同埋八舊水月費. 諗唔諗得過呢? 唔知有冇 potential 成為前列人士?
