NDS - 股市買賣 教授

近排 NDS 出左隻 game 教你點睇圖估個市. 都幾有趣嫁, 咁耐以來遊戲機都好少依類型既 game. 如果出番個香港股市版本, 一定賣到滿堂紅..

冇 NDS 既朋友, 可以玩住個 Flash 版止住血先. 有冇人可以破到我紀錄呢?

NDS 軟件號碼 0770 ... 自己心照~










http://games.yahoo.co.jp/games/flash/kabutore/

初次見面... 您好 !

恆指係 2006 年結前, 突破了二萬點收市... 歷史新高















Source : e-finet

港板 一公升眼淚

唔知係咪無線播日劇一公升眼淚, 整到好多香港人都好有同情心. 有傳媒就借依 d 機會主力報導一 d 不幸既故事. 繼近日一個唔足月既 BB 過左身, 今日又有報紙報另一個小童患有重病不能過 12 歲.

究竟知道自己肚裡面既 BB 有重病養唔大, 仲係咪要決定生佢出黎等佢受苦十幾日呢? 係咪要 package 到好似悲劇故事咁每日寫上 blog 周街叫人睇呢? 係咪要囉果十幾日既故事黎留名青史呢? 係咪要令到所有睇完個 blog 既讀者留足一公升眼淚呢?

我知依件事係好不幸, 為人父母都好偉大. 我都好同情. 我會更加同情眾多弱智人仕/唐氏綜合症既父母, 佢地對佢地兒女既愛心, 關懷, 愛護, 忍耐, 係幾十年的無間斷, 唔係十幾日.

如果去多 d 落後地方見識下, 就會發覺有 d 地方既人都好慘.

除了騙子之外, 所有野都是假的

蘇丹紅, 孔雀石綠, 頭髮豉油, 工業用紅酒... 我國技術真係一流.. 連造車技術都一樣.

圖1: Benz E Class (上), 內 地 吉 利 與 南 韓 大 宇 合 作 生 產 的 「 美 日 300 」 (下)
















圖2 :FOR TWO (上) SMART (下)













圖片 source : Apple Daily

Yumiko 東華 甩褲 走光

露出黑色 T-back ! 果然為善最落 !

我都要做下善事要求佢 encore!

去片! YouTube Yumiko 東華 片段

新股熱

休息左個零月, 又有另一水新股上市. 琴日隻 552 中通服務無視恒指國指大跌收4.08, 爆升 85%. 開市 3.3 最高 3.3 最低 3.25 . 好似我依 d 唔怕死 AO 入貨篤手指即日鮮都賺23.6% (少少地, 又多六位數字, 獎勵下自己, 買番部 Wii 先).

依 d 市真係好恐怖, 雖然玩新股相對風險低, 但係真係要小心為上, 小弟就唔夠贍亂黎, 抽到一手兩手果 d 唔計又得佢放床下底, 但係幾百 K 入果 d 真係要一兩日好走. 唔好貪心

公司 d 靚仔問我依隻係咪有史以來最勁既新股, 因為好少股升多過 50%.

大家都係好善忘的, 慘痛唔會記得, 眼前利益又會沖昏頭腦. 好明顯要教育下 :

年頭隻湖南有色係咁兒都升 73%.

97 年北京控股既事件 (招股價 $12.48, 首日掛牌收 $40.2, 升 222%, 果時冇 eipo, 一份白表炒到 300 蚊,觀塘匯豐銀行門口條龍長到萬里長城咁) 同 2000 年既 tom.com 事件 (招股價 $1.78, 未截止認購已有暗盤價 $10, 個個當係六合彩咁抽. 首日掛牌收 $7.75 +335%, 最高 $9.7) 可能冇人記得了.. 最大問題係, 依兩隻股票上左市之後好快就股災.

賭波又好, 股市又好, 報紙佬一向都係寫乜輸乜, 我唔見報紙佬有提北控同 tom 仔. 睇黎會有好戲睇. 不過唔使咁擔心住, 北控都係上市后四個月炒到 $65 先同恒指一齊跳水. 太快嚇親你地又唔係太好, anyway, 小心 d 啦. 大調整實有既, 而家 d 人都精左少少

自訂車牌

依樣野真係好無聊. d 牌時貴時唔貴, 仲有投到唔知渣唔渣出街.

D 人又唔得閒次次都去投, 如果攪個網上競投就差唔多 (e.g. Yahoo)

圖片 source : Apple Daily

玩得安心

我發覺依排銅鑼灣好多 pub 都行任飲制, 比 $250 - $300 全場任飲. 咁樣好過以前好多. 一來唔使就住飲, 二來就係唔使驚 D 人飲飲下走左之後追唔番條數 (我冇 bias 男定女, 因為兩個性別都有依 d 咁既人). 尤其是而家好多都係 Friend 拉 Friend 咁三九唔識七..

D 職員做衰人好過我做. 你知追人還錢仲慘過問人借.. 一向都係

沖出水世界 Flushed away

依套戲只適合智商十三歲以下小朋友觀看. 我寧願囉 $55 睇過墨攻...