細個成日聽老人家講 - 世界上冇永遠既敵人, 也冇永遠既朋友..
我小學紅白機年代 任天堂 同 世嘉 就係死對頭一直鬥鬥鬥.. 任天堂自從 N64 開始就以為收得皮世嘉做一哥, 點知又殺出部 marketing 超勁既 playstation. 世嘉依個二哥最後都係係家用機度消失, 幫人地機出 game 做寄生虫.. 依個係我好失望既原因, 始終我覺得世嘉 d game 係最有深度, 睇佢 d 街機 game 就知. 始終係依個世界, 包裝係重要過料子既.
大家都係賺機迷錢, 冇話有冇敵人, SNK 由光輝到沒落都拍 style 唔同既 Capcom 出 game. 而家世嘉終於同老任合作出運動遊戲 Mario & Sonic at the Olympic games. 真係必買之作, 要買正板添!
無論點都好, 最偉大的當然係我們的祖國! 冇佢依兩隻動物都拉唔埋天窗!
而家唔使講, 真係禾雀亂飛. 日日都有野炒, 琴日炒 276 286 孖寶, 今日炒 355. 即日波幅仲好大添. 手腳快真係兩日賺到一個開, 手腳慢同埋唔識睇盤既可以比個莊斬到一頸血! 唔好以為長升長有, 記住好多細股仔一兩日會炒完!
小心 d, 糧油先兩日講完又再炒上, 拉麵咁貴都可以升兩三成.
果時講過連 343 都炒就開始 final stage, 而家個市似係尾期了. 大家手腳快 d, 唔對路好走, 有利潤好獲利!
話說好耐之前曾經講過 d 燒炭股 (即係煤) 可以留意下. 而家睇番當然升左好多. 不過我自己二月頭見佢冇乜郁動已經走左佬. 我依 d 心境仲未可以渣貨一年半載既人.幾日唔行就要打.
既然我開口中咁我又發 up 風啦. 留意下 d 糧草睇下, 可以試下
另外獅子好明顯唔掂, 先前比老美 d 樓按拖累到死下死下. 依隻已經止蝕左了, 但唔係代表佢唔掂喎. 長線依隻一定係首選
近排 大家 d 細價股炒到好開心, 兩三日動作就賺到今年 bonus, 好可怕.. 要 stay alert 不要被充昏頭腦
年頭同兄弟去左南韓, 比想像中好玩好多!
1. 一落機見到 Rain 的專機, 我記得我飛之前果日佢都係香港.. 佢同我一齊番南韓
2. 餐餐都食 d 咁野, 不過我好鐘意食前菜 (唔好亂諗野!) 有韓燒五花腩同石頭飯等等都好好食. 我以為真係唔好食因為個個都咁講
3. 本來想玩 Ski, 點知個 Guide 又話 Snowboard 易學又只會教 snowboard 云云. 最後知道原來去租 snowbaord 係去佢相熟鋪頭. 不過冇後悔.. 因為..
好耐冇 update blog, 而家的起心肝係咪吹..
月頭番中學銀禧校慶, 我都唔到咁梅既中學晚宴 (唔好提我中學 d 野) 都可以塞爆晒一間酒樓. 氣氛仲好好添, 見番好多個樣冇變既老師. 佢地隔左八年都up得出我個名.. 真係開心. 自己係依個世界仲有存在價值.
用番自己食野果隻碗裝翅食都自有新意 (頂!). 有樣野最攪笑就係校友捐錢可以命名. 人地四叔捐四億比科大可以有兆基校園. 我地都可以捐十五萬命名禮堂! 真係好平, 個個學生入禮堂都要同你躹躬
平平地可以捐十萬有個平台命名. 捐五萬都可以有特別室命名.. 我想捐十五萬寫我老豆個名, 不過我老媽發花顛唔比.. 呵呵呵
吹左咁耐鐘意係上個月買左 Wii, 日以繼夜下載 (唔講到咁明)
雙打 Wii Sports, 轉轉球迷宮, Monkey Ball 同 Wii Play 真係好過癮
仲有幾日就出 Wiikey Setup 1.2, 好想知道自己粒係咪 Clone.
都唔知點解人工加得少過九龍果面同grade既人.人地加20-25%我加得果16%.真係同工唔同酬.大家都係要付出努力先令公司賺到錢. 條氣唔係好順.
其實我都好過好多人,原來好多同年畢業之後係度做的同學都未升到我個grade,佢地個grade人工加好少,就算同grade果d,因為我appraisal好. (公司登晒最好appraisal既樣出黎,而家出入公司都要小心唔好比人打:p) Bonus同 Cash reward多過半年...
不過仲未 old enough to be 知足. 有得走就走.
