生日快樂!!!!!

原來今日係本部落一週年生日!! 總共有 406 人黎睇過 (包括我自己)!

生日快樂!!!

中銀 奧運 VISA 預付咭

睇報紙睇到 有 d 咁既野, 即刻打信用咭熱線去問.. 對方答我 '而家冇 d 咁既野比人換'

果晚上中銀官方網站睇到囉奧運板信用咭或都白金咭或者收到信都可以去換. 我又打去信用咭熱線問.. 對方答我 '可以換, 你囉奧運板信用咭黎就可以換'

第二日, 打去分行問佢仲有冇貨... 對方答我 '要有信先可以換'

三個答案都唔一樣, 好一間典型既國產企業..

第二日中午唔理三七廿一, 行左去花園道度換. 果度寫明換果 set 咭要去 43 號窗口.. 我十二點三去到排隊, 前面得兩個人, 等左半個鐘到我. 43 號窗果個人話要食飯. 我谷鬼氣話特登黎換咭, 你去食飯邊個幫我換.

OK.. 企係度睇條 teller 埋數十分鐘, 佢話要收到信先可以換.. 我話網上話囉咭或者信都可以換, 你地點做 public relation 云云.. 我好串咁, 一直冇除我條 staff card 既 badge. 終於引到一個高級 d 既女仔過話叫我囉張咭出黎睇下, 我飛左兩張咭 (奧運咭同白金咭) 問佢你想要邊張. 佢冇出聲囉埋我身份證整比我..

終於整到, 我都好好禮貌同佢地唔該多謝云云.. d 咭好靚好得意. 但係如果要同其他行爭, 你地真係要進步下先...

台北之旅

無驚無險去完台北番黎... 而家先得閒 update~~

1. 台北女仔應該好窮.. 個個都好瘦, 冇肥妹.. 可能港女咁冇錢買野食

2. 台北女仔都係好窮.. 個個冇錢買布, 周街都係短到走晒光既裙熱褲.. 同好少布既低胸上衫

3. 比新既捷運單程票玩死.. 我冇去過大陸, 所以唔知. 頭一日搭左四程車都搵唔到特別既入口同出口. 仲要成個自由行咁係個站口攪左好耐


4. 去左 Room 18 坐, 個場 okay.. 當然冇星加坡咁大.. 都有唔少鬼係果度.

5. 去左一間叫天鼎既火鍋店食晚餐, 環境幾得意, 野食好食



6. 適縫母親節 (仲係我生日), 台北 101 大樓有特別燈飾..


7. CI 電子機票真係可以 debt CX 搭 CX 機來回. 筍.

[Wii] 部機變左磚!!!!

網上有人講日板 Wii 2.0J 玩歐洲 Mario Striker 後入本體設定會變左磚..

我唔信邪, 入碟睇住佢更新左 50 秒之後果然... 入唔到本體設定!! 話搵唔到 JP version 既 hompage. 好明顯係 update 果時鏟左!

想入番隻 Paper Mario 日板睇下會唔會 update 有番 d file 但係因為玩過美板所以冇 update 到. 如果理論正確, 我等下隻日板 game 會 update 部機就會好番.. 希望~~

大家千其唔好囉 2.0J 玩 Mario Striker

CV Ready

同朋友講左想轉工兩三年, 今日終於的起心肝 Send 左比兩間 agent.. 等運到...

希望可以搵到比而家更好的工

阿爺 排洪

新既 QDII 明益我地.. 仲唔多謝阿爺!!!

樂樂 ... 盈盈... II ~~~~ 我國萬歲!!

搭飛機去台灣 平過去搭船澳門 既時代又來臨...

話說 大飛機 既 staff ticket 係五月起連 fuel surcharge 都可以 10%. 去東南亞都只不過比 11 蚊. 作為家屬的我當然好開心!

去台灣 Y class 來回機票 $300, 連稅 $548. C class 連稅 $908
Sydney Business class 連稅 $2,374, 法國 $3,366... LA $3,452 爽呆了!

要搭多 d 先得, 不過熊熊好似唔係好想我離佢而去咁... 佢掛住我嘛

下星期同熊熊去台灣, 家姐話佢出果張 CI 機票可以轉過黎同我坐 CX 喎.. 都唔知係咪真的 ~

下星期再續~

多左好多個老細

獅子收左皮咁耐...原來比幾個人買起左.. 沙地人有, 英國保險佬又有, 中東政府基金又有.真係瘦田冇人姦, 姦開人人爭.

如果唔係果時買起左美國果間 '好HI' 而家已經飛左上天.

家陣獅子都算做番 d 應該做既野, 集中係亞洲.. 大陸囉到銀行牌, 日本又係本年十月發威.. 印度印尼吸客吸客吸客..

琴日睇到 Maggie Cheung 黎廿八樓攪個 Global Premier 宣傳, 都算做番 d 好野.

需然白金咭由要邀請到而家五十萬已經可以申請 cheap 到爆 (但我自己都走去申請 wahahah) .. 本人都以 HP 客戶引以為榮, 而家 HP HI-END 左好多.. 真係要 keep 住 50 萬係戶口唔係好貴 charge