逢七必冧

年頭果時好多人成日怕生怕話死話 "逢七必冧" "十年股災"... 87股災.. 97金融風暴... 07 年會有股災云云.. 由年頭講到年尾...

結果.. 大家有眼睇.. 咪咁迷信啦, 香港人

新寶物の發現!

依排成日心思思想買枝定焦鏡.. 都唔知買 35 f/2 定係 85 f/1.8 好

記得老豆細個果時 (我仲未出世) 玩過 SLR. 問下果時玩咩鏡頭..

點知.. 佢係床下底搵左三舊野出黎... 仲要係裝到落我部 D300 果度 @_@


依 d 真係古董? 影過幾張. D 相都幾靚下 (如果中焦).. 但好難 Focus.. 真係考起人~

又加人工

10%.... 少於預期.. 好過冇~ 繼續搵路走

無永遠的股神

股神都會有不敵 market force 的一日.. 大家, 醒下啦!


李兆基改口明年始見三萬 (18:46)
2007年12月18日

恆基地產(0012)主席李兆基修訂早前對恆生指數的預測，他今日表示，明年秋天始望見三萬三千點新高。

他表示，內地宏調，加上美國次按，估計恆指要待明年春天才可升至三萬點，明年秋天則可見三萬三千點新高。

在十一月，李兆基曾表示，恆指年底可重上三萬點，農曆年期間可見三萬三千點。


Information source: 明報

Cheap, Cheap, Cheap!

枉我咁辛苦係短時間內升職加薪再加薪黎申請張 HSBC Platinum Card, 而家突然廿五萬年薪就申請到! 貶值得仲衰過 CDO 或次按債券! 仲要 promote 到申請送 800 蚊 coupon. 最衰就係公司有個好 cheap 既港女同事都成功申請到!

公司做乜事咁 cheap? 依次真係要剪咭先得!

世風日下!

朋友淫聰 send 左個中學生既 blog黎.. 睇完之後簡直 O 左咀~ 大家記住 highlight 果堆紅色野睇 d 字...

So far 係睇過既人 (我果輩) 既 comment:

朋友 1 (媽媽做中學校工) : 我要同阿媽講話我細個果時冇心機讀書而家知錯, 求佢幫我安排由中一讀番..
朋友 2 (現職中學老師) : 而家 d 女學生係咁嫁喎, d 仔一溝就上床嫁啦! 以現今 standard 黎講你已經係一等一既好男仔!
朋友 3 (成績異常良好的同學) : 如果我讀書果時唔係咁叻, 而家應該係留班唔係跳級. 應該仲可以享受做學生果種樂趣
朋友 4 (對阿媽好不滿的) : 我'小'阿媽果時又可以'小'多佢一樣, 就係'小'佢點解生早我十年!
朋友 5 (成日分析時事的人) : 羅太係教育改革後, 學生讀書的確比以前 '充實' 得很....
朋友 6 (就黎結婚的) : 本來仲諗緊生唔生仔好 (怕教唔好)... 而家我好肯定唔會生的了

睇黎依個 blog 好快會比人 ban. 大家要睇就快手..

失意於 GMAT

本身今年年頭報讀 MSc in Finance (UST or HKU or CUHK). 但因為要考 GMAT 又懶下懶下所以冇報到.. 果時許下2007年目標話今年一定要考 GMAT

到而家, 所有 2007 年目標都完成了 (1/1), 可惜我的分數比想像中低很多 (以為會有 680+ 分). 不過都應該夠入香港既 course.. 佢 d 英文真係難到爆~

不是很快樂, 但都要接受現實, 理論上都係囉左 3 個 full day 去溫. 如果無學校收先再去考~

而家諗緊讀 MBA 定 MSc Fin 好...

D300 手入

我個 blog 好耐冇 update 過了.. 依幾個月除左去旅行之外就係忙爆公司既野. 講到公司, 自己部門一個又一個咁走... 新請的又冇可能咁快 pick up. 而家連我又愛又恨既老細都辭職唔做. 成個部門己經奄奄一息.. 再加幾多錢人工都補唔番短左果幾年命~

之前講過 D300 公怖後就好有興趣想買, 但首要條件係 $8,000 左右要甩左部 D200 先. 十月尾去完歐洲番黎就放上網試下, 仲包裝到部機好似新既一樣 (其實的確係好新).. 點知反應踴躍, 星期六凌晨 post 星期日中午就交收.. 仲快過股票 T+2!

係成成訂 D300 等左好耐終於係琴日買左... 用左 $13,980 - $7,800 = $6,180 去 upgrade 基本上係有點兒奢侈, 不過自己六月果時等機去旅行買左 D200. $6,180 都買到半枝LB5, 不過無所謂啦.. 都冇乜其他地方使錢.

買左 300 仔, 唔會再心郁郁換 body, 玩番三五七年慢慢學下點影相先..

D300 ISO 真係好左好多.. 不過小心 Live view 唔影相都會加你 shutter count!