D300 手入

我個 blog 好耐冇 update 過了.. 依幾個月除左去旅行之外就係忙爆公司既野. 講到公司, 自己部門一個又一個咁走... 新請的又冇可能咁快 pick up. 而家連我又愛又恨既老細都辭職唔做. 成個部門己經奄奄一息.. 再加幾多錢人工都補唔番短左果幾年命~

之前講過 D300 公怖後就好有興趣想買, 但首要條件係 $8,000 左右要甩左部 D200 先. 十月尾去完歐洲番黎就放上網試下, 仲包裝到部機好似新既一樣 (其實的確係好新).. 點知反應踴躍, 星期六凌晨 post 星期日中午就交收.. 仲快過股票 T+2!

係成成訂 D300 等左好耐終於係琴日買左... 用左 $13,980 - $7,800 = $6,180 去 upgrade 基本上係有點兒奢侈, 不過自己六月果時等機去旅行買左 D200. $6,180 都買到半枝LB5, 不過無所謂啦.. 都冇乜其他地方使錢.

買左 300 仔, 唔會再心郁郁換 body, 玩番三五七年慢慢學下點影相先..

D300 ISO 真係好左好多.. 不過小心 Live view 唔影相都會加你 shutter count!