軟硬玩電話!?

好耐冇 update 本 blog.. 依幾個月太多野發生左. 忙到都冇時間 update. 依排會陸陸續續講番發生左咩事~

小時候聽軟硬玩電話, 上兩星期竟然有個大陸打黎既電話打黎搵老公喎. 收左佢線仲要再打黎. 我唯有 entertain 下佢.. 真人真事如下:

某天晚上 00:41, 電話響, 來電者係 +86135xx767781, 打黎講國語, 話搵阿 俊 (or Jin), 我話冇此人並收左佢線, 兩分鐘後又打黎...


佢用廣東話講左好多次搵老公, 問我係咪阿俊.

我話唔係. 問佢打幾多電話.

佢又up唔出, 係咁話'咪依個電話囉', 之後叫我唔好扮野, 話我把聲好似佢, 之後係咁問我係咪佢男友阿俊. 仲話 '冇理由電話唔岩.. 我次次飲大左都係打依個電話搵到阿俊', '你把聲又同佢一樣'

佢話阿俊係香港人, 自己係四川成都人, 琴日落左黎深圳

我問佢係咪飲左好多

佢話 '唔係好多之嘛! 飲左一枝紅酒 + 一枝啤酒

我話你唔開心丫,做乜飲咁多丫

佢話'唔多啦,我平時同女仔朋友都飲兩枝白酒'

我問佢 '你今日又做乜飲多'

佢話 我唔開心丫

跟住我問佢有冇黎過香港,佢話冇黎過

我問佢同阿俊係咪係大陸見

佢話阿俊上去搵佢, 之後佢以為我係阿俊朋友

我話我唔係丫, 你打咩電話, 佢話咩咩 '2213'

我同佢講, 而家七月啦... 唔好夜媽媽打亂電話比人啦.. 打錯左電話好恐怖啦

佢話佢自己飲大左

我問佢叫咩名, 佢話佢叫 '媚媚'

我叫佢女仔之家唔好飲咁多啦, 傷身

佢話唔開心咪飲

我話 '做乜唔開心姐, 而家中國奧運.. 好多人囉金牌.. 好開心丫', '我都好開心中國可以攪奧運仲囉咁多牌'

佢話 '我對奧運冇感覺啦', 唔鐘意奧運, '我依 d 咁打扮既女仔唔會對奧運有興趣'

我話 '點解丫.. 下次中國奧運可能好耐之後.. 你唔愛國嗎'

佢話 '我咁細個冇對依 d 野咁有感覺'

我問佢你幾大

佢話 '我二十歲都未到'

之後我問 '咁即係幾大'

佢話 '我89年出世, 19 歲', '我依 d 打扮既女仔只係識出黎玩唔識其他野'

我問佢有冇做工

佢話而家冇, 係四川成都有開舖頭

我之後問佢 之前地震你 d 朋友有冇事丫, 我睇到都好傷心.. 仲捐左幾百蚊出少少力

佢話 '我地四川成都冇事冇震到' <---- 我唔知係咪真

最後佢問我係咪阿俊

我都話唔係

佢話 ..你把聲好似佢, 不過阿俊 d 普通話很利害的.. 你又唔似喎.. 所以我都覺得有不同呢

我話 '你聽日再打啦.. 應該搵到佢嫁啦'

佢話 '唔會啦.. 阿俊死左嫁啦'

之後講多兩講就收左線, 總共15分鐘